I canti popolari

TIEMPE DE ULIVE
Cu sole o che l’acque fina fine,
ca neglie che te scegne dent’u core,
ze parte p’a uelive ogni matine
a ppede o chi machene motore.
Ne’nserve chiù garzone e sacchettelle,
e i mane chiù ne vide flagellate,
mo’ jè tiempe de irachene e rastielle,
mo’ jè tiempe che volene i scalate.
RITORNELLO: Ma vide quant’è belle sta uelive,
che dà tanta recchezze a stu pajese!
Fa corre solde e uoglie pe nu mese
E tutte l’anne u core fa cantà!
Cu ‘nciense ‘mbacc’i mane e cu llammicche,
ze cerche ogni tante u fecarielle,
quanta pazienze sotte u fridde sicche
pe ‘ncoppe’i scale e ‘nterre a pecuerelle’
Tra gonne e cavezuno sta sperdute
a femminee a bellezze chiù ne mostre’
ma fa stu sacreficie pe nu vute
a l’uoglie sante da ueliva nostre.
Utrappetare cante e ze quensole,
guardanne l’uoglie du separatore,
‘nce vonne chiù né piatte e né pezzuole:
pure a uelive arrive ch’i motore.
U cecciarielle chiù ne gire i rote
E a varre chiù ne stregne u pressone:
so’ machene moderne e vanne in mote
premenne che nu dite nu bettone.
‘Ntrecantari’, bescì, pezz’a chelone,
i cerne cerne e tanta cose belle
recamene i femmene de core
cu punt’a giorne i fatte du reticelle.
E può ‘ncore da Lievece a Ranciuole,
da Pompe, da Saracche e fin’a Tone,
da Fequerella nere a ternecole,
jè tutte na resate e na canzone.

BELLE E BONE

1)Gire pe chisti chiane e pi ghellune.
Nchiane pe ncopp’i cuolle e pi montagne,
Ce sta nnescose a lla na quentadine:
come ze chiame tu ne nnu devine.
Belle jè com’a lune de jennare.
Fresche jè com’a rose mo scheppate.
I sc’chacche sonne come na cerasce:
ndo sul’a mamma si ce zzecch’i vasce .
L’aje reviste uoje mbacce u puzze.
Fiure ca nzalatelle ze ddacquave.
E, se ze ne cquergeve ca guardave,
l’uocchie calave. Ze ne breuegnave.

RITORNELLO: A giovane chiù belle
Chija jè tu ne nnu sa.
S’a vuò vedèddavere
nu Reticelle a può trevà.

A CHENZONE DU RETIELLE

Menetel’e vedè quistu pejese
Menete. Che ce sta chi pagn’i spese.
Ncopp’a Severe può vedè a Ma ielle.
A Puglie cu Ghergane e a marine.
E,pi chempagne, gevenette belle.
Pa vi du vosche ogni metine e sere
De gevenette truove na felare.
Pure de vierne pare primavere.
S’i vuòvedè serchià anne de marze
E, pa vellegne, a fine de settembre.
P’ogni quentrade i truove a morre sparze.
Ncopp’i uealive stanne com’a cielle.
Pe terre i vide com’a pecuerelle.
E tu nnu può sapè chi jè chiù belle,
Ddemmanele a Serache e ternecole,
ddemmanne pure a Fequerella Nere
se ddorene i veccucce de voiole.
U po’ quentà stu ciele che chenzune,
a tiempe d’areie e a tiempe de uealive,
ze cantene pi chiane e pi ghellune.
Manetel’o vedè quistu pajese.
Menete. Che ce sta chi pagh’i spese.

U RETIELLE GUAPPE E BIELLE

E nu mo l’avema dice
Z’ha sapè pe tutt’u munne
che, de tutt’i paiesielle,
tra i chiù bielle sta u Retielle.
Ce sta u Cineme ca ille,
stann’i case popolare,
so nocciono salatele,
ma so cconce e sonne belle.
U Pulmanne va a stazione
Ogni iuorne rrive a Rine.
I stediente, pazzeianne ,
vann’a scole cu pulmanne.
Eme sparze pe l’Italeie
Magistrate e Fenzienarie,
i Vvecate chi Detture,
i Ngegnere e i Prefessure.
I seldate du Reticelle
Stanne sparze tutte l’Arme,
Marenare e Carboniere,
Poleziotte e Finanziere.
Ema sparze ntutt’u munne
Retellisce pu lavore.
So valiente e ricercate,
nu reticelle nzo squerdate.
E perciò l’avema dice
Z’ha sapè pe tutt’u munne,
che de tutt’i paiesielle,
tra i chiù guappe sta u Reticelle.

 

return

Comments are closed.